Thaçi: Votova “Specialen” se më kërcënuan ndërkombëtarët

Presidenti i Kosovës Hashim Thaçi ka deklaruar sonte se Gjykata Speciale është një padrejtësi historike ndaj popullit të Kosovës. Ndërsa, në lidhje me votimin për themelimin e kësaj Gjykate në vitin 2015 ai ka thënë se ka qenë i detyruar nga ndërkombëtarët.

“Gabimi ka qenë atëherë kur është votuar tek detyrimi i Bashkësisë Ndërkombëtare për ta themeluar atë gjykatë.Kam qenë i detyruar me kërcënimin se do të marrin masa të tjera drastike në raport me vendin. Prandaj, kam peshuar mirë se si mund të shkonin gjërat dhe e kemi shtyrë për themelim Gjykatën Speciale.Nuk ka gjykatë që mund ta fyej integritetin, krenarinë, dinjitetin e luftës time për çlirimin e Kosovës”, është shprehur presidenti Thaçi në një intervistë në Klan Kosova.