Bushati i përgjigjet Metës: Procesi i nisur me Greqinë kërkon maturi

, Bushati i përgjigjet Metës: Procesi i nisur me Greqinë kërkon maturi

Ministria për Evropën dhe Punët e Jashtme ka reaguar pas refuzimit të autorizimit nga ana e Presidentit Ilir Meta për çështjen e negociatave me Greqinë.
MEPJ, në një deklaratë për mediat thotë se po shqyrton letrën e Presidentit dhe se do t’i përgjigjet në rrugë institucionale.
Më tej në deklaratë theksohet se procesi i nisur me Greqinë është kompleks, ndaj kërkon qetësi, maturi, institucionalizëm dhe jo projektimin e një anormaliteti që nuk ekziston
Deklarata e plotë
Ministria për Evropën dhe Punët e Jashtme po shqyrton letrën e Presidentit të Republikës, në përgjigje të kërkesës së dërguar prej saj, për lëshimin e autorizimit për fillimin e negociatave me palën greke për delimitimin e hapësirave detare mes dy vendeve.
Çështjeve të ngritura nga Presidenti i Republikës, Ministria për Evropën dhe Punët e Jashtme do t’u përgjigjet në rrugë institucionale. Sikundër Ministri për Evropën dhe Punët e Jashtme është i angazhuar për të vijuar bisedimet e konsultimet e nisura me Presidentin e Republikës për të gjitha çështjet me interes për këtë proces.
Procesi i nisur me Greqinë është kompleks, ndaj kërkon qetësi, maturi, institucionalizëm dhe jo projektimin e një anormaliteti që nuk ekziston./ZgjohuShqiptar.info

Leave a Reply

Your email address will not be published. Required fields are marked *

Back to top button