Ministri serb: Kurrë pavarësi për Kosovën sa të kemi Rusinë dhe Kinën

Nuk është ndonjë deklaratë e paditur por megjithatë djeg pasi tregon se sado tolerante të jenë segmente të caktuara të shtetit Sërbia nuk tërhiqet nga ajo që për të përbën plagën më të madhe historike.
Sikurse transmeton “Lajmi.net”, ministri i jashtëm në Serbi, Ivica Daçiq ka ripërsëritur edhe një herë se shteti serb nuk ka asnjë gjasë ta pranojë pavarësinë e Kosovës, edhe pse ka deklaruar se janë të gatshëm për një kompromis në mënyrë që të arrihet një marrëveshje historike.
“Ne duam që të arrijmë një kompromis me Kosovën, por nuk mund ta miratojmë shkëputjen e njëanshme të tyre”, deklaroi ministri serb, i sjellë në shqip nga “lajmi.net”.
Daçiç kritikoi shtete e mëdha që, sipas tij, po i bëjnë presion Serbisë ta njohin pavarësinë e Kosovës.
“Si mund të mos i’u vije turp që të na propozojnë një gjë të tillë. Ne ju kemi treguar se marrëveshja është e domosdoshme me Kosovën, por kjo nuk do të thotë se ne e njohim pavarësinë. Kosova kurrë nuk do të bëhet e pavarur, sepse Serbia ka miq në anën e saj, e mbi të gjitha Rusinë dhe Kinën”, ka përfunduar ministri serb, Ivica Daçiq./ZgjohuShqiptar.info

Leave a Reply

Your email address will not be published. Required fields are marked *

Back to top button