Liberalizimi i vizave për Kosovën: një histori mashtrimi

Nga Bashkim Kastrati

Kushtëzimi i liberalizimit të vizave me miratimin e Demarkacionit ka bërë që shpresa e qytetarëve për të lëvizur pa viza në vendet e BE-së të jetë i madh. Disa qytetarë, të lodhur nga stërzgjatja e votimit janë shprehur se kjo çështje duhet të kryhet dhe të dilet nga izolimi edhe me çmimin e “faljes” së tokës për Malin e Zi.

Me kalimin e kohës u krijua një perceptim për qytetarët se sapo të miratohet Demarkacioni, shumë shpejt do të bëhet liberalizimi i vizave. Këtë perceptim e kanë ndihur shumë edhe deklaratat e vazhdueshme të zyrtarëve të BE-së se Demarkacioni është kusht për heqjen e vizave për qytetarët e Kosovës. Por në javët e fundit, kur shiheshin gjasat reale që Demarkacioni mund të kalojë, deklaratat e zyrtarëve të BE-së filluan të ndryshojnë.

Ndërsa pas miratimit u tha më qartë se tani luftimi i korrupsionit dhe i krimit të organizuar mbetet kushti i fundit për të fituar liberalizimin e vizave.

Pra, premtimet e krerëve të shtetit ndër vite se do të ketë heqje vizash, duket se kanë qenë vetëm sa për konsum politik dhe për të fituar vota.

Ish-kryeministri i Kosovës, Hashim Thaçi para tetë viteve ka filluar me premtime konkrete dhe me afate kohore se kur qytetarët do të lëvizin pa viza në vendet e BE-së. Me 30 nëntor të vitit 2010 Thaçi pati deklaruar se vizat do të hiqen brenda 15 muajve.

“Ju siguroj dhe garantoj sot, juve qytetarë, se vetëm për 15 muajt e ardhshëm nga janari i vitit të ardhshëm të gjithë qytetarët e Kosovës do të lëvizin lirshëm në gjithë Evropën”, pati premtuar Thaçi. Kurse në nëntor të vitit 2011 pati thënë se viti 2012 do të jetë vit i liberalizimit të vizave. “Viti 2012 është vit i procesit të liberalizimit të vizave”, pati thënë Thaçi.

Por as në vitin 2012 nuk u hoq regjimi i vizave; kështu edhe viti 2013 u proklamua si vit i liberalizmit të vizave, gjë e cila nuk ndodhi. Premtimet e Thaçit vazhduan edhe në vitet vijuese.

Ai vazhdonte të kishte kryefjalë të premtimeve liberalizimin e vizave për qytetarët e Kosovës.

Edhe në vitin 2013, Thaçi deklaroi se javët dhe muajt në vijim, do të jenë vendimtarë për liberalizimin e vizave.

“Javët dhe muajt në vijim janë vendimtarë për procesin e liberalizimit të vizave. Shumica e kritereve tashmë i kemi zbatuar, kështu që mos të lejojmë asnjë kohë por edhe pjesën e mbetur që të vonohemi në këtë proces, të mos lejojmë që për shkak të neglizhencës dhe angazhimit të vonohet lëvizja e lirë e shtetasve tanë pa viza në BE”, tha ai.

Edhe pasuesi i Thaçit në postin e kryeministrit, Isa Mustafa, pas formimit të qeverisës në dhjetor të vitit 2014 ishte shprehur i sigurt se liberalizimi i vizave do të ndodhë në vitin 2015. Ndërsa në dhjetor të vitit 2015 pati thënë se në vitin 2016 do të hiqet regjimi i vizave për kosovarët.

“Viti i ardhshëm do të jetë vit i rritjes së qëndrueshme ekonomike, i investimeve të huaja, i hapjes së vendeve të reja të punës dhe vit i integrimeve të mëtejshme evropiane, duke filluar nga liberalizimi i vizave”, ishte shprehur Mustafa.

Këto premtime vazhduan edhe javët e kaluara. Vazhduan edhe sot. Thuhet se liberalizimi do të bëhet në fund të këtij viti, por duke marrë parasysh se premtimet kanë qenë të kota në tetë vitet e fundit, është vështirë t’i besohet ndonjë deklarate që përcakton afate kohore se kur qytetarët e Kosovës do të lëvizin pa viza në vendet e BE-së./ZgjohuShqiptar.info

KOMENTONI

Loading...
Loading...
Name

Aktualitet,7914,Camëri,108,Editorial,1693,Ekonomi,415,Emra për djem,38,Emra për vajza,36,Enciklopedi,81,Histori,1277,Iliridë,250,Kosovë,2357,Kulture,623,Luginë,48,Moti,2,Politik,1770,Reportazh,153,Rezultatet Live,2,Shtypi,79,Sondazhe,8,Sport,493,Video,493,
ltr
item
Zgjohu Shqiptar: Liberalizimi i vizave për Kosovën: një histori mashtrimi
Liberalizimi i vizave për Kosovën: një histori mashtrimi
Liberalizimi i vizave për Kosovën: një histori mashtrimi
https://1.bp.blogspot.com/-TDDVufTUewc/WraKN84vV3I/AAAAAAAAVbA/eA2hlPCW3TM17yRayZT42wdkJ7ul7WdKACLcBGAs/s640/liberalizimi.jpg
https://1.bp.blogspot.com/-TDDVufTUewc/WraKN84vV3I/AAAAAAAAVbA/eA2hlPCW3TM17yRayZT42wdkJ7ul7WdKACLcBGAs/s72-c/liberalizimi.jpg
Zgjohu Shqiptar
https://www.zgjohushqiptar.info/2018/03/liberalizimi-i-vizave-per-kosoven-nje.html
https://www.zgjohushqiptar.info/
https://www.zgjohushqiptar.info/
https://www.zgjohushqiptar.info/2018/03/liberalizimi-i-vizave-per-kosoven-nje.html
true
269073700948665522
UTF-8
Ngarkuar te gjitha postimet Nuk gjendet ndonje postim SHIKO TE GJITHA Lexo me Shume Repliko Hiq Repliken Fshi Nga Kreu FAQET POSTIMET Shiko te Gjitha REKOMANDUAR PER JU LABEL ARKIVA KERKO TE GJITHA POSTIMET Nuk u gjet asnje material sipas kerkeses tuaj Kthehu te Kreu E Diel E Hene E Marte E Merkure E Enjte E Premte E Shtune Hen Mart Merk Enj Pre sht Die Janar Shkurt Mars Prill Maj Qershor Korrik Gusht Shtator Tetor Nentor Dhjetor Jan Shk Mar Pri Maj Maj Qer Gush Sht Tet Nen Dhj menjehere 1 minute me pare $$1$$ minutes ago 1 ore me pare $$1$$ hours ago Dje $$1$$ days ago $$1$$ weeks ago me shume se 5 jave me pare Followers Follow THIS CONTENT IS PREMIUM Please share to unlock Kopjo te Gjithe Kodin Selekto te Gjithe Kodin All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy