Topalli: Si familja e Bashës po zhduk të djathtën dhe historinë e PD

Ish-deputetja demokrate Jozefina Topalli ka shpërthyer në akuza të rënda ndaj kryetarit të Partisë Demokratike.

Në një intervistë për Vizion +, duke u ndalur tek nisma e PD për heqjen e datës 20 shkurt si data e përkujtimit të viktimave të regjimit komunist, Topalli thotë se ka ngelur pa fjalë.

“Të shfuqizosh datën 20 shkurt që është data e përmbysjes së shtatores së diktatorit Enver Hoxha, që është thelbi, simboli dhe baza e ngritjes së forcës së parë opozitare që mori emrin Partia Demokratike do të thotë të vendosësh minat në themelin e origjinës së kësaj force politike që ka bërë histori në këto 27 vite”, akuzon Topalli.

“Data 20 shkurt për ne është data e rrëzimit të murit të Berlinit shqiptar në Tiranë. Ta fshish këtë me ligj, me iniciativë nga Lulzim Basha dhe familja e tij është momenti i vetëm i sinqeritetit të njeriut që mashtron mbi çdo gjë”, thekson Topalli.

Ish-kryetarja e Parlamentit hedh akuza edhe për historinë e kontratave të dyshimta të lotimit, duke kërkuar transparencë.

Zonja Topalli, PD ka depozituar në parlament ku hiqet data 20 shkurt si data e përkujtimit të viktimave të regjimit komunist dhe vendoset data 26 shkurt, si ju duket kjo nismë?

“Po ta kishte bërë PS dhe po të kisha qenë në parlament, nuk do të kisha lënë që të bëhej seancë plenare. E bën ajo që thotë jam Partia Demokratike, unë realisht do të isha pa fjalë. Por unë nuk mund të them se jam pa fjalë sot pas gjithë këtyre zhvillimeve dhe pas gjithë këtyre ngjarjeve, të cilat prej kohësh kanë lindur dyshimin e madh dhe pikëpyetjen e madhe nëse kjo është PD.

Të shfuqizosh datën 20 shkurt që është data e përmbysjes së shtatores së diktatorit Enver Hoxha, që është thelbi, simboli dhe baza e ngritjes së forcës së parë opozitare që mori emrin Partia Demokratike do të thotë të vendosësh minat në themelin e origjinës së kësaj force politike që ka bërë histori në këto 27 vite. Është njëlloj sikur të ngrihej dikush në Gjermani dhe të fshinte datën e rrëzimit të Murit të Berlinit.

Data 20 shkurt për ne është data e rrëzimit të murit të Berlinit shqiptar në Tiranë. Ta fshish këtë me ligj, me iniciativë nga Lulzim Basha dhe familja e tij është momenti i vetëm i sinqeritetit të njeriut që mashtron mbi çdo gjë. Sigurisht që është shumë e rëndë për ato që besojnë se kjo është ende PD, kam bindjen se 2-3 nga firmëtarët i ka gënjyer, duke u thënë se ne po shtojmë datën 26 shkurt që është data e vrasjes se 22 viktimave të pafajshme të vitit 1951 që lidhet me atë që quhet hedhja e bombës në ambasadën ruse. Pra ky vendos datën 26 shkurt në përkujtim të hedhjes së bombës në ambasadën ruse dhe shfuqizon nenin 3 të ligjit për vendosjen e datës 20 shkurt si data e përkujtimit të ngjarjes më të madhe të lirisë së shqiptarëve dhe të ndërtimit të demokracisë dhe përmbysjes së komunizmit e diktaturës.

Në fakt jam e pafjalë, momentin që lexova ligjin sigurisht që mu kujtuan votat për Gramoz Ruçin, mu kthye kaseta pas me shpërbërjen e grupit parlamentar, me shkatërrimin e ADN-së së forcës sonë politike, me zhbërjen e ideologjisë së djathtë, me zhbërjen e së djathtës shqiptare nga Lulzim Basha, me sjelljen e tij politike që mund të sillte destabilizim në vendin tonë kur ai nuk pranonte të hynte në zgjedhje. Sigurisht më kujton faktin që nuk pati asnjë përkujtim për 20 shkurtin dhe kjo datë i bën reaksion atij dhe familjes së tij. Vjet e kujtoj që u mbyll në një muzeum thua se ishte ditë zie dita e 20 shkurtit, ndërsa sot ai bën ligjin për të zhdukur nga historia jonë 20 shkurtin, duke harruar se 20 shkurtin nuk e zhduk as Lulzim Basha, as 1 milion Lulzim Basha, sepse ajo është historia e shqiptarëve të 27 viteve më parë kur ata kanë ditën më të bukur të lirisë së tyre dhe ëndrrës së tyre më të madhe.

A e ka bërë këtë, përveçse nuk e duron si datë, edhe për të mbuluar “rumours” që kanë shpërthyer gjatë këtyre ditëve për paratë e tij të lobimit në kanale të paqarta dhe për konfuzionin e paqartësinë totale të burimit të parave për lobim dhe kanaleve që ai vet nuk di t’i shpjegojë?

Nuk e di nëse është kjo e dyta, por unë di që vetëm në kuadrin e një viti ka zhdukur një grup parlamentar, ka zhdukur të djathtën, ka shpallur krijimin e “Republikës së re”, ka votuar me votat e njerëzve të grupit të tij dhe familjes së tij Gramoz Ruçin, nuk ka bërë një gjest kur Edi Rama ka bërë ligjin për heqjen e shpërblimit të të persekutuarve, nuk ka bërë një betejë për pronën e pronarët që janë kolonat e një force politike të djathtë dhe ka ardhur sot në shfuqizimin e një prej ligjeve të votuara në qeverinë Berisha, në vitin 2010, që është një prej datave të cilën ne që e kemi përjetuar është një ndër momentet e kthesës së jetës sonë, jetës sonë si gjeneratë, por edhe moment i ndryshimeve të mëdha të vendit tonë.”

Ju e përmendët pak, a e ka dëmtuar PD historia e kontratave të lobimit?

“Sigurisht, shumë. Opozita në thelbin e saj duhet të jetë pushtet moral, dhe pushtet moral do të thotë në radhë të parë të jesh i pastër nga korrupsioni, i pastër nga larja e parave, i pastër në përfaqësimin e atyre që kanë votuar kundër qeverisë; asnjëra prej këtyre gjërave nuk ka ndodhur.

E kundërta del nga ajo sa thotë media amerikane, e rikapur nga “Zëri i Amerikës”. Kështu që unë i kam kërkuar atij që të bëjë qartësi dhe të bëjë transparencë për të mirën e tij por edhe për të mirën e forcës politike, emrin e së cilës ai e ka kapur me zor. Nuk e ka bërë deri tani, sa herë ka folur ka shtuar konfuzionin.

Unë edhe njëherë i bëj thirrje që të bëjë transparencën e plotë, sa janë paratë që ka paguar Lulzim Basha, sa janë paratë për të cilat ka firmosur Lulzim Basha, sa janë paratë të cilat kanë kaluar në of shore, pse kanë kaluar në of shore, cili është burimi i këtyre parave dhe pse nuk përputhen shifrat.”

Ka nisur një proces në PD, dhe zoti Basha ka premtuar se procesi zgjedhor do të jetë proces bashkimi; ka ngritur një grup pune i cili po mbledh mendime për ndryshimet në statut, iu kanë kërkuar dhe ju në takim?

“E para e punës unë nuk hyj në grupin e njerëzve që të më thërrasin në takim për statutin, sepse problem i PD nuk është statuti.

Problemi i Lulzim Bashës është se ai nuk njeh dhe nuk respekton dhe nuk ka zbatuar statutin që është Kushtetuta e kësaj force politike në asnjë ditë që nga moment që ai është bërë kryetar i PD.

Në këtë kuptim është një fasadë e re, është një farsë, në shkelje statutore, totalisht në shkelje të statutit përsëri të PD, që do të finalizojë përfundimisht spastrimin e kësaj force politike nga të gjithë ata që kanë kontribute dhe investime të jetës së tyre në këtë forcë politike dhe për ta kthyer “të pastër” në një biznes familjar të tij, të kunatit dhe të bashkëshortes së tij.”

A mundet që kuvendi i vjetër, është një ide në PD, të zgjedhë strukturat e reja?

“Të ma kishte thënë dikush më përpara do të kisha qeshur, s’do e kisha besuar kurrë.

Por Lulzim Basha është në gjendje të bëjë çdo gjë që mendja e njeriut nuk e merr. Dhe këtu nuk e kam vetëm për përmbysjen e ligjit të forcës sonë politike, për rastin konkret ku ai kërkon që të zgjedhë me kuvendin e vjetër këshillin e ri kombëtar, të cilin nuk e ka mbledhur asnjëherë.

Këshilli Kombëtar i një force politike është parlamenti, i bie për paralele që qeveria të mos lejojë asnjëherë në 4 vite që të mblidhet parlamenti, për më tepër mos mblidhet as qeveria ose të mblidhet në 4 vite vetëm 4-5 herë qeveria, sepse kryesia është paralele e qeverisë, Këshilli Kombëtar është paralele e parlamentit. Një njeri që nuk beson as në forume as në demokratë, as në statut as në historinë as në ideologjinë e djathtë dhe as në datat themelore ai nuk ka asnjë lidhje me PD.

Dhe ngjarjet që ndodhin vetëm më konfirmojnë dyshimin tim të hershëm mbi faktin a është kjo Partia Demokratike?” (Burimi: a.s/dita)ZgjohuShqiptar.info

NA NDIQNI EDHE NE FACEBOOK JU LUTEMI!

KOMENTONI

Loading...
Loading...
Name

Aktualitet,7914,Camëri,108,Editorial,1693,Ekonomi,415,Emra për djem,38,Emra për vajza,36,Enciklopedi,81,Histori,1277,Iliridë,250,Kosovë,2357,Kulture,623,Luginë,48,Moti,2,Politik,1770,Reportazh,153,Rezultatet Live,2,Shtypi,79,Sondazhe,8,Sport,493,Video,493,
ltr
item
Zgjohu Shqiptar: Topalli: Si familja e Bashës po zhduk të djathtën dhe historinë e PD
Topalli: Si familja e Bashës po zhduk të djathtën dhe historinë e PD
Topalli: Si familja e Bashës po zhduk të djathtën dhe historinë e PD
https://2.bp.blogspot.com/-x72OyQeZdFQ/Wqv9cyBwwuI/AAAAAAAAU6s/ajGt0UeB6MgXFuZ2M97YJS6ceof4ZXzpgCLcBGAs/s640/topalli-basha-905x395.jpg
https://2.bp.blogspot.com/-x72OyQeZdFQ/Wqv9cyBwwuI/AAAAAAAAU6s/ajGt0UeB6MgXFuZ2M97YJS6ceof4ZXzpgCLcBGAs/s72-c/topalli-basha-905x395.jpg
Zgjohu Shqiptar
https://www.zgjohushqiptar.info/2018/03/topalli-si-familja-e-bashes-po-zhduk-te.html
https://www.zgjohushqiptar.info/
https://www.zgjohushqiptar.info/
https://www.zgjohushqiptar.info/2018/03/topalli-si-familja-e-bashes-po-zhduk-te.html
true
269073700948665522
UTF-8
Ngarkuar te gjitha postimet Nuk gjendet ndonje postim SHIKO TE GJITHA Lexo me Shume Repliko Hiq Repliken Fshi Nga Kreu FAQET POSTIMET Shiko te Gjitha REKOMANDUAR PER JU LABEL ARKIVA KERKO TE GJITHA POSTIMET Nuk u gjet asnje material sipas kerkeses tuaj Kthehu te Kreu E Diel E Hene E Marte E Merkure E Enjte E Premte E Shtune Hen Mart Merk Enj Pre sht Die Janar Shkurt Mars Prill Maj Qershor Korrik Gusht Shtator Tetor Nentor Dhjetor Jan Shk Mar Pri Maj Maj Qer Gush Sht Tet Nen Dhj menjehere 1 minute me pare $$1$$ minutes ago 1 ore me pare $$1$$ hours ago Dje $$1$$ days ago $$1$$ weeks ago me shume se 5 jave me pare Followers Follow THIS CONTENT IS PREMIUM Please share to unlock Kopjo te Gjithe Kodin Selekto te Gjithe Kodin All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy