Turizëm, shqiptarët shpenzojnë më shumë se mesatarja europiane

Shqiptarët që zgjedhin që pushimet t’i kalojnë jashtë vendit, nuk janë të paktë. Po sa shpenzon mesatarisht një shqiptar për pushime jashtë, në krahasim me europianët?
Monitor ka krahasuar të dhënat që janë publikuar nga Eurostat për vendet e BE dhe INSTAT për Shqipërinë.
Një turist shqiptar shpenzon mesatarisht gjatë një udhëtimi për pushime 262 euro dhe kalon jashtë vendit për pushime mesatarisht 5.7 ditë, sipas të dhënave të INSTAT. Në krahasim me mesataret e Bashkimit Europian, ku një rezident i BE-së shpenzon 336 euro për një udhëtim, sipas Eurostat shqiptarët shpenzojnë rreth 74 euro ose 28% më pak.
Mesatarja e shpenzimeve rezulton më e ulët për shkak se një pjesë e madhe e pushuesve shkojnë në vendet fqinjë, ku është relativisht lirë dhe qëndrojnë pak ditë. Por kur udhëtojnë në vendet e Europës Perëndimore, shqiptarët nuk kursehen dhe shpenzojnë më shumë sesa mesatarja Europiane. Për në Gjermani, ku mesatarisht rrinë 10.9 ditë, shpenzimi mesatar është 496 euro, ose 47% më shumë se mesatarja europiane. Vetë gjermanët për pushime jashtë vendit të tyre shpenzojnë mesatarisht 443 euro për udhëtim, sipas Eurostat.
Në Itali, qëndrimi mesatar i shqiptarëve, sipas INSTAT, është 9.6 ditë, me një shumë mesatare prej 442 eurosh. Vetë italianët kur ikin jashtë janë shumë më dorështrënguar, shpenzojnë 360 euro për udhëtim, sipas Eurostat.
Sipas të dhënave të publikuara nga INSTAT vendi më i preferuar për pushuesit është Greqia, ku mesatarisht pushuesit kalojnë 5.6 natë qëndrimi dhe shpenzojnë mesatarisht për udhëtim 258 euro. Pesha e turistëve shqiptarë që kanë preferuar Shqipërinë në 2017-n në raport me totalin është 28%.
Në vend të dytë është Italia, e cila ka qenë destinacion për 20% e turistëve që kanë zgjedhur të pushojnë jashtë në 2017-n dhe që të cilët kanë qëndruar mesatarisht 9.6 natë qëndrimi.
Në vend të tretë është Kosova për sa i përket peshës së turistëve shqiptarë që kanë zgjedhur atë, me rreth 16% e totalit në 2017, mirëpo ka numrin më të vogël të netëve të qëndrimit. Sipas të dhënave të Instat, një turist shqiptar nga Kosova ka qëndruar mesatarisht 1.6 net qëndrimi dhe ka shpenzuar 74 euro.
Më pas renditet Mali i Zi dhe Maqedonia, ku netët mesatare të qëndrimit janë mesatarisht 2.6 dhe 2.4 netë, ku turistët kanë shpenzuar 120 dhe 100 euro përkatësisht.
Më dorështrënguarit
Turistët e Europës Qendrore dhe Lindore janë më dorështrënguarit për sa i përket shpenzimeve për udhëtim. Mesatarisht një turist letonez ka shpenzuar 108 euro për udhëtim, ndërsa një rumun 125 euro.
Të tretët për shpenzime më të ulëta për udhëtim renditen çekët, ku mesatarisht një çek shpenzon 130 euro, ndërsa polakët 192 euro për udhëtim, më ulët se mesatarja e Bashkimit Europian. Nën mesataren e BE-së janë edhe shpenzimet e turistëve nga Suedia, ku sipas të dhënave të Eurostat kanë shpenzuar në 2016-n 220 euro.
Turistët më dorëlëshuar në Europë
Turistët më dorëlëshuar në Europë, sipas të dhënave të publikuara nga Eurostat, janë zviceranët, të cilët në 2016-n kanë shpenzuar mesatarisht 818 euro për udhëtim. Pas tyre renditet Luksemburgu, ku një turist ka shpenzuar 768 euro, dhe më pas Austria, me turistë që shpenzojnë 607 euro.
Gjermanët shpenzojnë mesatarisht 443 euro, ndërsa italianët 360 euro, thuajse sa mesatarja e Bashkimit Europian.
s.a/dita/ZgjohuShqiptar.info

KOMENTONI

Loading...
Loading...
Name

Aktualitet,8812,Camëri,115,Editorial,1928,Ekonomi,474,Emra për djem,38,Emra për vajza,36,Enciklopedi,81,Histori,1424,Iliridë,271,Kosovë,2539,Kulture,696,Luginë,58,Moti,2,Politik,1852,Reportazh,176,Rezultatet Live,2,Shtypi,79,Sondazhe,8,Sport,508,Video,548,
ltr
item
Zgjohu Shqiptar: Turizëm, shqiptarët shpenzojnë më shumë se mesatarja europiane
Turizëm, shqiptarët shpenzojnë më shumë se mesatarja europiane
https://2.bp.blogspot.com/-XfuTurYqCrI/W3shgx4jaII/AAAAAAAAXlw/jcV5aAahdbEntludRqEDvLrVOPVgaqe-wCLcBGAs/s640/hands-camera-taking-picture-colosseum-rome-italy-point-shoot-photo-concept-travel-photography-78802009-905x395.jpg
https://2.bp.blogspot.com/-XfuTurYqCrI/W3shgx4jaII/AAAAAAAAXlw/jcV5aAahdbEntludRqEDvLrVOPVgaqe-wCLcBGAs/s72-c/hands-camera-taking-picture-colosseum-rome-italy-point-shoot-photo-concept-travel-photography-78802009-905x395.jpg
Zgjohu Shqiptar
https://www.zgjohushqiptar.info/2018/08/turizem-shqiptaret-shpenzojne-me-shume_20.html
https://www.zgjohushqiptar.info/
https://www.zgjohushqiptar.info/
https://www.zgjohushqiptar.info/2018/08/turizem-shqiptaret-shpenzojne-me-shume_20.html
true
269073700948665522
UTF-8
Ngarkuar te gjitha postimet Nuk gjendet ndonje postim SHIKO TE GJITHA Lexo me Shume Repliko Hiq Repliken Fshi Nga Kreu FAQET POSTIMET Shiko te Gjitha REKOMANDUAR PER JU LABEL ARKIVA KERKO TE GJITHA POSTIMET Nuk u gjet asnje material sipas kerkeses tuaj Kthehu te Kreu E Diel E Hene E Marte E Merkure E Enjte E Premte E Shtune Hen Mart Merk Enj Pre sht Die Janar Shkurt Mars Prill Maj Qershor Korrik Gusht Shtator Tetor Nentor Dhjetor Jan Shk Mar Pri Maj Maj Qer Gush Sht Tet Nen Dhj menjehere 1 minute me pare $$1$$ minutes ago 1 ore me pare $$1$$ hours ago Dje $$1$$ days ago $$1$$ weeks ago me shume se 5 jave me pare Followers Follow THIS CONTENT IS PREMIUM Please share to unlock Kopjo te Gjithe Kodin Selekto te Gjithe Kodin All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy