Himarjotët dhe Papa në luftën kundër osmanëv

Edhe pse me veprën e tij njihemi shumë vonë, në vitin 1970 nga studiuesi italian Agostino Pertuzi, në figurën e shquar të Martin Segonit shohim për të parën herë një interesim për çështjen shqiptare. Pasues të denjë të veprës së tij kemi Marin Beçikemin e Marin Barletin.

Publiku shqiptar do të njihet me kontributin e këtij humanisti nga dy studiesit, Dhimitër Shuteriqi dhe Aleks Buda që ia paraqitën fillimisht konferencave shkencore e më pas publikut të gjerë “zbulimin” e tyre.

Si për të gjithë humanistët arbëresh të kohës, origjina e Segonit është e dyshimtë. Studiuesi italian Pertuzi është i bindur në prejardhjen e tij arbërore, por ka teza që atij i atribuojnë kombësi sllave, serbe apo kroate. Është Shuteriqi ai që jep detaje mbi jetën e Segonit, duke treguar se ai ka shërbyer në kishën katolike Novobërdës, krahinë arbërore, çka rrëzon rrëzon tezën e prejardhjes serbe.

Sipas Shuteriqit, Segoni është ose dalmatin, ose shqiptar, por në asnjë mënyrë serb.

Një prej shkrimeve të tij më me velrë është “Tregim mbi Gjergj Kastriotin” i cili, sipas studiuesve, ka trajtën e një skice letrare e historike, me informacione të rëndësishme për figurën e heroit tonë kombëtar.


Segoni ka trajtuar momentet më kyçe të jetës së Skënderbeut duke filluar qysh me marrjen e tij në oborrin e sulltanit, e duke përfunduar me kthimin e tij në Krujë dhe triumfet e njëpasnjëshme.

Sipas Segonit, Papa e çmonte shumë figurën e heroit tonë kombëtar. Kjo gjë vërtetohet edhe nga titulli “Atlet i Krishtit” dhënë prej Papës për Gjergj Kastriotin. Segoni na thotë se Papa e çmonte aq shumë Skënderbeun, sa e zgjodhi edhe si Kapiten të Përgjithshëm. Por informacioni është i paplotë, pasi ai nuk thotë se kapiten të përgjithshëm të kujt e zgjodhi e as se për sa kohë e mbajti këtë pozitë.

Është interesante shfaqja që i bëhet Skënderbeut dhe natyrës së tij. Ai jepet me një temperamet të gëzuar dhe të gjallë. Sipas Segonit, fjalimet e tij ishin aq të zjarrta, sa “ndiznin peshë zemrat e ushtarëve e shqiptarëve”.

Gjithashtu, Segoni është i pari që flet për shpatën (pallën) e Skënderbeut, duke e shpjeguar gjerë e gjatë.


Bagazhi kulturor i Segonit nuk mund të diskutohet për sa kohë ai, në vitin 1475 përfundon doktoraturën në Universitetin e Padovas. Duke qenë se të dhënat biografike për të mungojnë, mund të themi se ai ishte 30 ose 35 vjeç në këtë moshë e nga kjo, mund të nxjerim edhe një vit si të mundshëm për lindjen e tij (1440 ose 1445, pra së paku katër dekada pas të parit humanist, Gjon Gazullit).

Gjithashtu, Segoni është autor edhe i disa realcioneve që sot vlejnë si burime informacioni për trojet shqiptare. Ai flet mbi “Rruga Egnatia që nis në Epir ose Durrës”, “Mbi fillimin, lidhjen dhe rrjedhën e lumenjve të dy Drinave”, “Rruga bregdetare e Kandavisë që kalon nga Apolonia” e të tjera.

Një dokument i çuditshëm është relacioni që ai i dërgon Papa Siksit VI në të cilin flet për Luftën e Kosovës (1389), rënien e Krujës (1478) dhe rënien e Shkodrës (1479). Në po të njëjtin relacion, ai propozon edhe një kryqëzatë me atë të së cilës të largonte invadimin turk përtej Adriatikut. Data e këtij realcioni nuk dihet.


Vepra e Segonit, pa dyshim është shumë më e gjerë se kaq, por deri më sot kaq është mundur të zbulohet

Ishte viti 1482 kur Segoni emërohet Ipeshkëv i Ulqinit dhe, sipas relacioneve të kohës, “…ai ishte në fund të jetës.” Tre vjet më vonë, Martin Segoni vdes.

Vepra dhe personaliteti i Martin Segonit është një ndër gur – themelet më të hershëm të panteonit humanist shqiptar./ZgjohuShqiptar.info

KOMENTONI

Loading...
Loading...
Name

Aktualitet,8305,Camëri,113,Editorial,1806,Ekonomi,444,Emra për djem,38,Emra për vajza,36,Enciklopedi,81,Histori,1353,Iliridë,258,Kosovë,2452,Kulture,656,Luginë,50,Moti,2,Politik,1810,Reportazh,162,Rezultatet Live,2,Shtypi,79,Sondazhe,8,Sport,498,Video,515,
ltr
item
Zgjohu Shqiptar: Himarjotët dhe Papa në luftën kundër osmanëv
Himarjotët dhe Papa në luftën kundër osmanëv
https://2.bp.blogspot.com/-3qNaCWRo1wI/W7UE-TzmudI/AAAAAAAAZJo/pUKMULILimUNyUJLc_VUetJS02E7QfmxACLcBGAs/s640/himara.jpg
https://2.bp.blogspot.com/-3qNaCWRo1wI/W7UE-TzmudI/AAAAAAAAZJo/pUKMULILimUNyUJLc_VUetJS02E7QfmxACLcBGAs/s72-c/himara.jpg
Zgjohu Shqiptar
https://www.zgjohushqiptar.info/2018/10/himarjotet-dhe-papa-ne-luften-kunder.html
https://www.zgjohushqiptar.info/
https://www.zgjohushqiptar.info/
https://www.zgjohushqiptar.info/2018/10/himarjotet-dhe-papa-ne-luften-kunder.html
true
269073700948665522
UTF-8
Ngarkuar te gjitha postimet Nuk gjendet ndonje postim SHIKO TE GJITHA Lexo me Shume Repliko Hiq Repliken Fshi Nga Kreu FAQET POSTIMET Shiko te Gjitha REKOMANDUAR PER JU LABEL ARKIVA KERKO TE GJITHA POSTIMET Nuk u gjet asnje material sipas kerkeses tuaj Kthehu te Kreu E Diel E Hene E Marte E Merkure E Enjte E Premte E Shtune Hen Mart Merk Enj Pre sht Die Janar Shkurt Mars Prill Maj Qershor Korrik Gusht Shtator Tetor Nentor Dhjetor Jan Shk Mar Pri Maj Maj Qer Gush Sht Tet Nen Dhj menjehere 1 minute me pare $$1$$ minutes ago 1 ore me pare $$1$$ hours ago Dje $$1$$ days ago $$1$$ weeks ago me shume se 5 jave me pare Followers Follow THIS CONTENT IS PREMIUM Please share to unlock Kopjo te Gjithe Kodin Selekto te Gjithe Kodin All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy