VIDEO/ Guvernatori i Bejrutit nuk mban dot lotët para gazetares: E ngjashme me Hiroshimën

Guvernatori i Bejrutit, Marvan Abud, nuk ka mbajtur dot lotët në prononcimin e tij për mediat teksa fliste për tragjedinë e ndodhur në kryqytetin liban.

Abud këtë katastrofë e ka krahasuar me sulmet bërthamore në Hiroshima dhe Nagasaki që kanë ndodhur gjatë Luftës së Dytë Botërore.

Ende nuk ka një version zyrtar lidhur me atë që ka ndodhur.

Abud ka konfirmuar se ka shpërthyer një zjarr i madh dhe se ekipet e zjarrfikësve kanë dalë në vendin e ngjarjes duke tentuar ta lokalizojnë, kur për një moment janë zhdukur.

“Po i kërkojmë, në këto momente 10 prej tyre konsiderohen të zhdukur. Duket sikur ajo çfarë ka ndodhur në Japoni në Hiroshima dhe Nagasaki. Kjo ma kujton atë ngjarje. Gjatë tërë jetës sime nuk kam parë shkatërrime të këtyre përmasave. Është një katastrofë nacionale”, ka thënë Abud duke mos mundur të ndalë lotët.

Deri tani numërohen 50 viktima dhe mbi 3000 të plagosur.

Beirut governor is literally crying while talking about the explosions, who likens them to Nagasaki and Hiroshima attacks pic.twitter.com/YPHqd1Sq2d

— Ragıp Soylu (@ragipsoylu) August 4, 2020