Java e fundit e kufizimeve, Rama jep lajmin: Do hapet gjithçka, përveç disa aktiviteteve

Kryeministri Edi Rama njoftoi të mërkurën se kjo është java e fundit e masave kufizuese. Kreu i qeverisë bëri me dijë se do të hapet gjithçka, përveç disa aktiviteteve si transporti publik.

Rama bëri me dije se do ketë kufizime në dasma dhe funerale, ndërsa aktivitetet kulturore dhe sportive do jenë pa spektatorë.

“Kjo është java e fundit e masave të mbetura kufizuese, me përjashtim të aktiviteteve kulturore dhe sportive që do jenë pa spektatorë, dasmave dhe funeraleve pa grumbullime, transporti publik ku do rrijë mbyllur dhe pak, plazhet ku do kemi disa masa kufizuese, gjithçka tjetër do jetë hapur si më parë”, deklaroi Rama në një lidhje live në Facebook.

Rama foli edhe për valën e dytë të COVID-19

“Vala e re mund të vijë me të ftohtin dhe në ardhtë do ta përballojmë patjetër. Ne po përgatitemi. Struktura e re spitalore në autostradën Tiranë-Durrës po përgatitet me të gjitha mjetet mbrojtëse”

Back to top button