Cilit kundërshtar i trembet në Moskë? Erkand Qerimaj flet para Kampionatit

Për herë të parë për shkak të pandemisë, ky kampionat do të zhvillohet duke respektuar masat e strikte të vendosura nga organizatorët. Kampionati në fjalë ka nisur të shtunën më 3 prill dhe do të vijojë deri në 11 prill.

Në datën 7 prill (nesër) do të garojë Erkandi, pasi garat janë të shpërndara gjatë këtyre ditëve në varësi së peshave të gjithsecilit.

Ekipi shqiptar ka vijuar me fazën parapërgatitore së bashku me garuesit e tjerë që janë përzgjedhur për të qenë pjesë e këtij kampionati.

Deri tani një prej peshëngritëseve shqiptare, Evangjeli Veli ka arritur që të ngrejë flamurin kuq e zi duke marrë medalje të bronztë në kampionatin në Rusi. Viti i kaluar por edhe ky vit vijojnë që të jenë të vështirë për sportistët në përgjithësi pasi shumë gara janë shtyrë apo janë zhvilluar në kushte strikte, ndryshe nga sa ishin parashikuar më herët.

Në një lidhje Skype për “Wake Up” ishte i ftuar sot nga Moska, kampioni shqiptar, Erkand Qerimaj.

I pyetur cilit prej kundërshtarëve i trembet, ai u shpreh:  “Konkurrenti im direkt është vetja ime. E kam fjalën që duke parë situatën që kalova, sepse pata një dëmtim në dorë, më prishi formën, sepse 2-3 javë nuk kam bërë stërvitje rregullisht

Nuk është se jam fokusuar në një konkurrent, sepse këtu është një garë shumë e fortë. Nuk është kampionat lagje, është kampionat europian. Ne jemi vend i vogël dhe marrja e medaljeve është sukses i madh. Jemi një shtet i vogël për të luftuar me shtetet e mëdha të Europës”.