Programi “Rama 3”, 5 mijë euro shpërblim për emigrantët që hapin biznes në Shqipëri, mbështetje edhe për sipërmarrjet e reja

Në programin e qeverisë “Rama 3” thuhet se biznesi i vogël do të vijojë të jetë i mbështetur me zero taksa, ndërsa parashikohet mbështetje deri në 10 milionë euro për sipërmarrjet e reja.

Ashtu siç ishte premtuar edhe gjatë fushatës elektorale të PS, granti deri në 5 mijë euro që nisi si një program për hapjen e bujtinave nga emigrantët, do të zgjerohet edhe në sektorë të tjerë, përfshirë çdo biznes të nisur nga shqiptarët që jetojnë jashtë vendit.

-Biznesi i vogël me zero taksa

-Vijojmë të nxisim sipërmarrjet e të rinjve. Fondi i mbështetjes për sipërmarrjet e reja do të 5-fishohet duke arritur në 10 milionë euro

-Do të përdorim instrumentin e amortizimit të përshpejtuar gjatë vitit, për të nxitur investimet me pajisje të prodhuara brenda vendit, me vëmendje në pajisjet që kursejnë energji dhe janë miqësore ndaj mjedisit deri në kuotën 40%.

-Do të mbështesim emigrantët që transferojnë në Shqipëri njohuritë dhe aftësitë e marra përmes mbështetjen në formë granti në vlerën deri në 5 mijë euro për çdo biznes të nisur nga një emigrant i kthyer.

Back to top button