Shifrat/ Shqipëria bëhet “Magnet” i turistëve në TikTok: Rritje rekorde me mbi 3 milionë postime
Një tregues i fuqishëm i rritjes së Shqipërisë si destinacion turistik në platformën e mediave sociale, TikTok, ka shfaqur ndikimin pozitiv që ka pasur ky kanal në promovimin e vendit tonë në nivel ndërkombëtar. Me një rritje të shpejtë të postimeve dhe shikimeve nën hashtagun #albania, Shqipëria po fiton një prezencë të konsoliduar në këtë rrjet social të njohur globalisht.
Një shembull konkret i kësaj rritjeje është blogerja Alyne, e cila në një video në TikTok ka shprehur lumturinë e saj për herën e pestë në Shqipëri, duke theksuar se vendi ynë është bërë një nga destinacionet e saj më të dashura. Videoja e saj ka fituar mbi 1.5 milionë shikime dhe mbi 82 mijë pëlqime, duke reflektuar interesin e madh që audiencat globale kanë për të njohur më shumë përvojat në Shqipëri.
Me mbi 3.8 milionë postime nën hashtagun #albania, Shqipëria po konkuron me sukses me vende të tjera popullore turistike në TikTok. Kjo shifër e madhe e postimeve tregon një rritje të përshpejtuar të interesit për të ndarë përvojat e vizitorëve në vend. Për krahasim, ndonëse vende si Italia dhe Greqia kanë numra më të lartë të postimeve dhe shikimeve, Shqipëria, me një numër më të vogël përdoruesish, po arrin të konkurojë me sukses në këtë arenë.
Nëpërmjet përmbajtjes së shumëllojshme dhe të pasur në kreativitet, Shqipëria po shfaq potencialin e saj turistik në mënyrë inovative në TikTok. Ky rritje e prezencës në këtë platformë sociale ka një impakt të rëndësishëm në industrinë e turizmit, duke ndikuar në zgjedhjen e turistëve për të vizituar vendin tonë dhe në rritjen e numrit të vizitorëve.
“Që nga viti 2022 dhe e tërë vera e 2023, TikTok im është pushtuar nga video të ndryshme mbi Shqipërinë. Dhe më ngjalli shumë kureshtje.Pagova biletën time për vetëm 60 euro, vajtje-ardhje, dhe do të qëndroj 5 ditë. Vendimi më i mirë që mora” – shprehet Leticia nga Barcelona.
Si pasojë, Shqipëria po bëhet një destinacion gjithnjë e më i preferuar për udhëtarët e huaj dhe një aktor kryesor në skenën e mediave sociale. Kjo rritje e fuqishme e prezencës në TikTok përfaqëson një mundësi të madhe për të promovuar bukuritë dhe kulturën e vendit tonë për një audiencë të gjerë ndërkombëtare.
